Pas Armand Radës i cili luan për Interin dhe që u grumbullua nga Alban Bushi për Shpresat, tashmë është radha e një tjetër futbollisti që do të bashkohet me kuqezinjtë dhe që ka dalë nga akademia e Interit.
Bëhet fjalë për Elio Zallin, të datëlindjes 2003, i cili është grumbulluar sërish nga trajneri i Shqipërisë U16, Xhemal Mustendangiç për fazën përgatitore që kjo grupmoshë do të zhvillojë në periudhën 5-9 qershor në Shqipëri. 15-vjeçari Zalli luan si mbrojtës dhe është ndër lojtarët më të dalluar në Itali për moshën e tij.
Ky është grumbullimi i dytë i Zallit me të rinjtë e Shqipërisë, ndërkohë që me fanellën e Interit, ai ka mbajtur disa herë edhe shiritin e kapitenit. Lajmi për grumbullimin e tij, u bë i ditur nga vetë sajti zyrtar i Interit. /Erjon Allaraj- Vipsport.al/
