Një vendim i papritur është marrë nga rusët e Yenisey Krasnoyarsk, që ka larguar futbollistin shqiptar nga ekipi. Bëhet fjalë për sulmuesin Enis Gavazaj, që nuk ka qëndruar deri në fundin e sezonit në këtë aventurë.
Nëpërmjet një njoftimit në “Twitter”, klubi i Yenisey ka njoftuar largimin e Gavazajt, që ka zhvilluar në total vetëm 8 ndeshje me rusët. Tashmë problemet shtohen për këtë lojtar, pasi merkato e dimrit është mbyllur dhe nuk mund të rikthehet te Skënderbeu. Ky futbollist ka qënë huazim i korçarëve në Rusi, ndërsa tashmë mbetet të shihet zgjidhja që do i jepet me menaxherin Shkumbin Qormemeti. /Shqiperia.ch/