Tashmë ka përfunduar çështja e Arbër Zenelit. Në një telenovelë ishte kthyer e ardhmja e futbollistit shqiptar, që kërkohej nga shumë klube europiane.
Megjithatë sulmuesi i Kosovës, ka zgjedhur të bëhet pjesë e Reimsit. Firma është hedhur dhe gjatë ditës së nesërme, Zeneli do të dalë në stërvitje me ekipin francez, që bën pjesë në elitën e kampionatit të njohur.
Më parë ky lojtar kishte luajtur me Herenvenin, duke u kthyer në futbollistin më të mirë të “Eredivisie”, duke marrë për bazë asistet e dhëna. Mbetet të shihet nëse kjo formë e mirë e Zenelit, do të vazhdojë edhe në Francë. /Shqiperia.ch/