Ingolshtadi ka arritur të fitojë me rezultatin 4-3 ndaj Herenvenit, në takimin miqësor të zhvilluar në ditën e sotme. Megjithëse flasim për vetëm një miqësore, një fitore e tillë ishte e nevojshme për ekipin gjerman.
Ky i fundit kishte 14 ndeshje rradhazi në kampionat që nuk e njihte shijen e triumfit, duke barazuar në rastin më të mirë, nëse nuk dilte kokëulur nga fusha. Megjithatë, ardhja e Mavrajt dhe disa përforcimeve të tjera në ekip, ka ndikuar në rritjen e nivelit të skuadrës dhe kjo është pasqyruar edhe në ditën e sotme.
Nga ana tjetër, Arbër Zeneli ka shënuar golin e dytë për skuadërn e Herenvenit në këtë ndeshje, por pa mundur të vendosë edhe fatin e miqësores. /Shqiperia.ch/