Arisi e ka humbur në minutat e fundit derbin ndaj Paokut, duke u mundur me rezultatin 1-2. Nga minuta e parë e kanë nisur takimin dy futbollistët shqiptarë, Migjen Basha dhe Mërgim Mavraj.
Vlerësimet e tyre nga mediat greke do të ishin të ndryshme, ndërsa mesfushori i Kombëtares duket jashtë formës edhe me klubin grek. Kështu, sipas “To10”, Basha ndodhej në një formë të dobët për shkakun e atij dëmtimi të marrë me Shqipërinë, ndërsa Mavraj ia hedh me një vlerësim pozitiv edhe në këtë derbi.
Mavraj: “Luan në nivele të larta dhe bën një paraqitje pozitive, në një takim me rendiment të tillë”.
Basha: “Mesfushori i Shqipërisë nuk është gjendur në ditën e tij më të mirë. Ai ka bërë shumë gabime gjatë ndeshjes, kjo nisur edhe nga lëndimi që ka pësuar me Shqipërinë në ditët e shkuara”. /Shqiperia.ch/