Mërgim Asani është rikthyer pas një kohe të gjatë pushimi për shkak të një dëmtimi që e ka penalizuar disi, por këtë herë më i fortë se kurrë. Ish-kikboksieri shqiptar do të ndeshet përballë kroatit Antonio Horvatic, në ditën e dielë në ndeshjen që vlen për “box profi”.
Flasim për një “luftëtar” të ri me shumë prespektivë, që ka qenë për dy vite radhazi sportisti i vitit në Austri. Madje duke dalë edhe kampion në këtë vend sa i përket sportit të kikboksit. Në arenën luftarake shqiptarë janë shquar gjithmonë për duelet e fituara dhe këtë herë nuk pritet të zhgënjejë as Asani. Nën zotërimin e agjensisë “Dalipi boxing management”, pritet një rikthim me fitore për sportistin e lindur në Shkup, por që jeton dhe po zhvillon karrierën e tij në Wien të Austrisë.
