
Armando Broja ka realizuar dy gola në takimin ndaj West Hemit U-18, që përfundoi me rezultatin 4-3. Sulmuesi shqiptar do të jepte asist në golin e parë të skuadrës së Chelseat, ndërsa në pjesën e dytë gjeti edhe avantazhin me penalltinë e realizuar pasi e fitoi vetë.
Futbollisti kuqezi do të vuloste ndeshjen me golin e sigurisë, duke treguar se është një “gjahtar” i portës. Pas një gabimi të mbrojtsave të West Hemit, Broja gjendej i vetëm përballë portierit kundërshtar. Kur u mendua se ky i fundit i kishte zënë rrezen e portës dhe sulmuesi do të pasonte topin, erdhi edhe kthesa e menjëhershme e Brojës për ta dërguar sferën në rrjetë. /Shqiperia.ch/