
Vedat Muriqi ka debutuar me gol te Fenerbaçe sa i përket sezonit të ri të kampionatit turk. Aktualisht përballja është në shifrat 2-0 ndaj Gaziantep, ndërsa sulmuesi i Kosovës ka realizuar në minutën e 17.
Pasi ka kontrolluar në mënyrën e duhur një top brenda zonës, Muriqi ka shmangur bukur kundërshtarin dhe e ka tronditur rrjetën. Një nisje fantastike, pikërisht ashtu siç e prisnin edhe tifozët e Fenerbaçes. Padyshim që flasim për sulmuesin shqiptar më në formë të momentit, që në Turqi ka marrë vëmendjen e të gjithëve. /Shqiperia.ch/