
Një barazim ishte ai që Vijareali morri në shtëpi ndaj Rangersit për “Europa League”, duke u përjetuar si një humbje. Për më tepër spanjollët u gjendën edhe dy herë në avantazh, por pa ia dalë në asnjë moment për ta mbajtur deri në fund, epërsinë e krijuar ndaj ekipit skocez.
Jo më kot ekipi i Rangersit ka zgjedhur një legjendë të futbollit në drejtimin e saj, Steven Gerrard. Ky i fundit e ka treguar aftësinë e tij jo vetëm në zgjedhjet e kryera në fushën e lojës, por edhe me gjestin e tij në përfundimin e ndeshjes. Trajneri i Rangersit, pjesë e së cilës ështe edhe Eros Grezda, i ka përgëzuar të gjithë futbollistët kundërshtar, duke i inkurajuar ata pas atij barazimit deri diku demoralizues të marrë në shtëpinë e tyre. Një moment, që nuk ka nevojë për më shumë fjalë. /Shqipëria.ch/