Florent Hasani ka arritur të realizojë sërish një kryevepër me ekipin e Diosgyorit. Në kampionatin hungarez, shifrat e takimit janë në barazimin 1-1 ndaj Mol Vidit. Por goli i parë i ndeshjes, do të vinte në minutën e 6 nga sulmuesi shqiptar.
I jashtëzakonshmë ky futbollist, që nuk shënon shpeshherë, por kur e bën një gjë të tillë, realizon vetëm super gola. I tillë ishte edhe këtë herë realizimi i Hasanit, që me një goditje fantastike nga 17 metra, nuk i ka lënë asnjë shans portierit kundërshtar për të reaguar. Sipas asaj që është përfolur në kohët e fundit, ky sulmues do t’i bashkohet Kosovës së Shaland në muajin qershor. /Shqiperia.ch/