Armando Sadiku ka gjetur golin e parë me Malagan. Sulmuesi i Kombëtares ka arritur të zgjidhë përkohësisht një ndeshje shumë të luftuar nga të dyja anët për t’i dhënë avantazhin e përkohshëm ekipit që po ndeshet në transfertë ndaj Mirandes.
Rezultati përfundoi në shifrat 1-1, ndërsa goli i parë në këtë përballje erdhi nga Armando Sadiku. Pas një krosimi të bukur në zonë, lojtari elbasanas nuk gaboi me kokë, për të dërguar topin në rrjetë. Ky ishte goli i parë në ndeshjen e dytë të Sadikut te Malaga, ndërsa edhe në takimin e mëparshëm ka shkëlqyer, megjithëse pa arritur të linte gjurmë. /Shqiperia.ch/
Sadiku forever pic.twitter.com/nZ9bEThXg9
— PedroMLG (@Antoneles2) September 14, 2019