Panathianikosi ka hedhur një hap të gabuar në ditën e djeshme, teksa ka barazuar me rezultatin 2-2 ndaj Xanthisë. Ekuilibrat e takimit u vendosën në sekondën e fundit të lojës, teksa pas penalltisë së shkaktuar nga ana e Chatziogovanis, Xanthi shënon edhe golin e dytë.
Pak më herët Kaçes iu mohua nga fati goli i sezonit, me një predhë të vërtetë nga më shumë se 30 metra, që ka tronditur shtyllën. Pavarësisht kësaj, në gjëndje të rënduar psikologjike ishte futbollisti i Panathinaikosit që e shkaktoi penalltinë.
Me vërshëllimën e fundit të arbitrit, ai ka shpërthyer menjëherë në lot, pasi i mohoi dy pikë skuadrës. Mesfushori shqiptar i është gjendur pranë për ta motivuar futbollistin e Panathinaikosit: “Vëlla, herët e tjera dua që ta ngresh kokën lartë jo të qash. Leksionet janë këto”. /Shqiperia.ch/