Zurich ka barazuar me rezultatin me 3-3 në ditën e sotme ndaj Xamax, në një takim që ka dhuruar jo pak emocione. Ekipi i Xamaxit po fitonte me rezultatin 2-0, deri në momentin që Kryeziu vendosi ta shfrenonte fantazinë.
Dy herë, brenda tre minutash që kanë tejkaluar çdo imagjinatë. Mesfushori i Kosovës që e godet topin menjëherë sapo i vjen mundësia, e portieri që duhet thjeshtë…të shohë. Me shpejtësinë e dritës, topi mund të prek vetëm shtyllën fillimisht, përpara se të futet në rrjetë, gardiani kundërshtar nuk ka mundësi që t’i afrohet sferës.
Në formë të mrekullueshme ky lojtar, që këtë herë i ka tejkaluar të gjitha parashikimet. Kundërshtarët e kanë gjetur sërish avantazhin, ndërsa më pas do të ishte Kololli që do të rikthente barazpeshën nga pika e bardhë. /Shqiperia.ch/