You are here
Home > Kombëtarja > “U largova se mungonte Xhamia”/ Grekët për Mavrajn: E dinim, po jo deri këtu

“U largova se mungonte Xhamia”/ Grekët për Mavrajn: E dinim, po jo deri këtu

Mërgim Mavraj kaloi një aventurë krejtësisht për t’u harruar në Greqi, teksa me ekipin e Arisit, nuk arriti thuajse për asnjë moment të tregonte vlerat e tij. Menjëherë pas kalimit te Ingolshtadi në Gjermani, mbrojtësi shqiptar po gjen formën më të mirë.

Por çfarë i mungonte këtij lojtari që të mos e gjente veten në Greqi? Pak lë për të dyshuar kjo pyetje, pasi në një intervistë për “Telesport”, Mavraj i dha përgjigje. Ai u shpreh se nuk mund të bënte dot pa Xhaminë, që te helenët nuk ekzistojnë, pasi ka edhe një jetë tjetër përtej futbollit.

Këto fjalë janë shpërndarë menjëherë edhe nga “Gazzetta.gr”, e cila nuk pret më shumë për të reaguar rreth kësaj çështje. Kështu, media prestigjoze greke shprehet se e kishte paralajmëruar një fakt të tillë duke parë natyrën e Mavrajt, por pa e pritur deri në këtë pikë, që mund të ishte edhe arsyeja e largimit.

“Kur Mavraj erdhi në Selanik, ne e pasqyruam profilin dhe aktivitetin e tij bamirës, që ishte thellësisht fetar. Por askush nuk e priste këtu, që Mavraj të arrinte deri në pikë e largimit, vetëm për arsye fetare”, shkruhet te “Gazzetta.gr”. /Shqiperia.ch/

Postime të tjera


Nëse e vlerësoni punën e “Shqiperia.ch” si media e vetme e përkushtuar me lojtarët e Kombëtares dhe sportistët shqiptarë, mund të kontribuoni për zgjerimin e projektit dhe vazhdimësinë tonë në të ardhmen.
Paypal: G453645282@gmail.com

Leave a Reply

Top