Në ndeshjen mes Izraelit dhe Shqipërisë, mesfushori i Kombëtares, Migjen Basha, u largua në pjesën e parë nga fusha e lojës.
Më shumë sesa një dëmtim serioz, futbollisti e ka ruajtur veten nga një lëndim akoma më i madh që mund t’i vinte, nëse do të sforcohej akoma më shumë në takimin e luajtur ndaj Izraelit. Kështu, sipas asaj që raportojnë mediat greke, mesfushori shqiptar nuk do ta humb derbin në kampionat ndaj PAOK.
Është vetë futbollisti që e pohon diçka të tillë, duke e konfirmuar faktin se do të jetë i gatshëm për ndeshjen e radhës në kampionat. Basha u transferua tek ekipi i Arisit gjatë këtij sezoni, ndërsa po kthehet dalëngadalë në një lojtar të rëndësishëm për ekipin grek, pavarësisht luhatjeve të herëpashershme që e shoqërojnë këtë futbollist. /Shqiperia.ch/