“Nuk jam i lumtur sepse nuk po luaj. Pastaj edhe situata e skuadrës nuk është aspak e mirë. Na duhet një mrekulli që të na shpëtojë. Dua të rikthehem në Itali”, u shpreh Ujkani pak ditë më parë në mediat italiane, për të treguar rreth gjëndjes që po kalonte te Rizespori.
Përgjigja e klubit ka qenë e menjëhershme, duke i këshilluar portierit të Kosovës të gjejë një vend tjetër për të vazhduar karrierën. Ky largim justifikohet me arsyen se Ujkani tejkalon numrin e të huajve të lejuar në një skuadër të Turqisë, për të liruar vendin e për t’iu përmbajtur rregullave.
Në kushte të tilla Ujkani pritet të gjejë një skuadër të re në Itali gjatë orëve të fundit, por sigurisht që Seria A nuk shihet si një destinacion. Pritet një zyrtarizimi në ndonjë prej skuadrave të Serisë B që mund të tregohet e gatshme për të marrë shërbimet e gardianit 30-vjeçar. /Shqiperia.ch/