Sikur të mos mjaftonim me lojtarët tanë që mbajnë Kombëtaret europiane, ishte koha që një shqiptar të përfaqësonte edhe Malajzinë. Në fakt, për herë të dytë në historinë e saj, Malajzia bëhet gati të përfaqësohet nga një lojtar që nuk i përket atij shteti.
Nuk ka më dyshime dhe e gjithë llogjika të dërgon në një arritje marrëveshje, teksa është vetë futbollisti shqiptar që po sakrifikon për këtë fanellë. Ditë më parë përfaqësues të Federatës në Malajzi u shprehën se kishin nisur kontaktet me Krasniqin, të cilat ishin pritur mirë edhe nga ky i fundit.
E vetmja gjë që e pengonte shqiptarin, ishte fakti se duhet të kishte zhvilluar edhe një sezon më shumë në kampionatin e tyre. Për momentin Krasniqi është pa ekip, duke u larguar përkohësisht nga Malajzia. Fillimisht me idenë për t’iu bashkangjitur Europës, por pas kontakteve nga Federata e shtetit ku luajti, kishte vend për një prapaktheu.
Një foto elefanti, ka mjaftuar që të kuptohet sesi do të shkojë e ardhmja e këtij lojtari. Elefanti është simboli i Pahang FA, një ekip në Malajzi, ndërsa të gjithë janë të sigurtë që marrëveshja e këtij ekipit me futbollistin shqiptar, është vetëm çështje kohe. Pas një viti, sulmuesi i Shqipërisë U-21 që ka luajtur dikur për ne, do të ketë gjithë të drejtën për të përfaqësuar Malajzinë, duke shmangur kështu edhe Kosovën. Jo vetëm zgjedhje e çuditshme, por edhe shumë sakrificë… /Shqiperia.ch/