Milot Rashica është kthyer në yllin e Werderit, jo vetëm të Kosovës dhe Shqipërisë. Viti 2019 është thuajse në perfeksion për këtë futbollist, që po arrin të gjej lehtësisht rrjetën në Gjermani.
Por ky nivel i jashtëzakonshëm i këtij futbollisti, nuk gëzon vetëm tifozët shqiptarë. Së fundmi janë drejtuesit i Werderit që ndihen të vlerësuar, pasi ka interesime nga klube të njohura për Rashicën. Në një intervistë të fundit dhënë për mediat gjermane, drejtori sportiv, Frank Bauman është shprehur i lumtur që vështrimi është hedhur te klubi gjerman.
“Sigurisht, ka pasur interesim për Rashicën nga klube të tjera te ne. Kjo është vërtet e bukur dhe kështu duhet. I preferoj ekipet më të mira që të interesohen për lojtarët tanë. Jo që të mos i interesoj fare se çfarë ndodh këtu. Kjo është një shenjë e mirë për stafin dhe klubin tonë. Gjithsesi, Rashica është i lumtur te ne dhe po projektohet për sezonin e ardhshëm”, ka thënë Bauman. /Shqiperia.ch/