Një votim i veçantë në Zvicër, teksa është zgjedhur futbollisti që e ka ngatërruar shpeshherë sportin që praktikon. Flasim për lojtarët e ashpër, të cilët nuk e mendojnë dy herë kur bëhet fjalë për ndërhyrjet e rrezikshme.
E si mund të mungonte në këtë listë Taulant Xhaka, që ka mbajtur vendin e tretë me 13% të votimeve, duke e cilësuar mesfushorin shqiptar si më të ashpërin në Zvicër. Megjithatë, nuk ishte vetëm Xhaka si një lojtar shqiptar i përfshirë në këtë listë. Madje, në vendin e dytë ka dalë Idriz Voca, me 19% të votimeve.
Diçka më mirë është Hekuran Kryeziu që me 3% të votimeve për të, është një mesfushor më i qetë dhe i pastër në ndërhyrjen e tij. Vendin e parë e ka marrë mbrojtësi i Young Boys, Sanogo, me 47% të votimeve që e kanë zgjedhur si lojtarin më të ashpër. E pritshme një gjë e tillë, pasi Sanogo është kthyer shumë herë në një temë diskutimi në kampionatin zviceran, pasi e tejkalonte limitin në një duel për top. /Shqiperia.ch/