Më në fund, ishte pikërisht ky momenti i shumëpritur për Kristal Abazajn, për të debutuar me ekipin e parë të Anderlehtit. Shumë peripeci për futbollistin e Kombëtares, teksa deri në këtë periudhë është stërvitur dhe aktivizuar me ekipin e dytë të belgëve.
Atje i tregoi më së miri vlerat e tij, së fundmi duke realizuar edhe dopietë. Të gjithë e dinin se vendi i Abazajt, i përkiste padyshim elitës së futbollit belg, e jo të rinjëve. Trajneri i Anderlehtit nuk priti më gjatë, teksa pas formës së mirë që po kalonte Kristali, i besoi atij.
Vetëm pak minuta më parë, futbollisti shqiptar është hedhur në fushën e lojës ndaj Cercle Bruge. Tashmë ka ndodhur edhe debutimi i shqiptarit me ekipin e parë të Anderlehtit, ndërsa duhet të dëshmojë se përse duhet të mbijetojë në merkaton e janarit. /Shqioperia.ch/