Një shkëlqim i jashtëzakonshëm i Mario Vrushajt në Hollandë. Futbollisti që u huazua nga Olimpiakosi te Willemi II, që ndodhet në elitën e futbollit holandez, po bën çmendurinë në këtë vend.
Vetëm 4 ndeshje ka luajtur me skuadrën e re, ndërsa ka dhënë 3 asiste dhe shënuar 2 gola. Praktikisht si një “jashtëtokësor”, nëse këtyre të dhënave u shtojmë edhe paraqitjet e tij në fushën e lojës. Sulmuesi shqiptar sapo ka shënuar edhe në takimin që po zhvillohet ndaj Gronigenit, ku skuadra e Willem II po humbet me rezultatin 1-2.
Goli i vetëm ka ardhur nga Vrushaj, pas një goditje vrastare në afërsi të zonës. E ardhme që i buzëqesh kombëtares shqiptare, ndërsa ky futbollist pritet t’i bashkohet kuqezinjve. Ai ka luajtur më parë me të rinjtë e Greqisë, ndërsa ngelet çështje kohe rikthimi në atdhe. /Shqiperia.ch/
Marios Vrousai had another Amazing Solo Run??? #vrousai #prosport @WillemII #Eredivisie pic.twitter.com/FOq5N6laUZ
— Yannis Theodorou (@JTheodorou14) January 27, 2019