Dëshira e Malagas për të arritur në “La Liga” është shuar disi, të paktën në mënyrë të menjëhershme mund të themi plotësisht. Skuadra e Keidi Bares ka humbur përballjen direkte ndaj Majorkës me rezultatin 0-1 në shtëpi.
Pas kësaj humbje, e vetmja mënyrë që Malaga të arrij në elitën e futbollit spanjoll është “Play-Offi”. Por edhe aty nuk mund të arrihet aq lehtë, pasi ka konkurrencë të madhe dhe shansi do të digjej nëse kjo skuadër binte edhe një pozicion të vetëm.
Këtë herë takimin e ka vendosur Leonardo Suarez, që me aktivizimin e tij në minutat e fundit të pjesës së dytë, e mbylli historikun e ndeshjes. Nga minuta e parë e nisi Bare edhe këtë herë, duke bërë një tjetë paraqitje të mirë. /Shqiperia.ch/