Barcelona, Milan, Lacio e shumë gjigand të tjerë europian u përfolën se do të ishin destinacioni i ri i Edon Zhegrovës. Megjithatë e vërteta nuk rezultoi e tillë, pasi futbollistë në fjalë ka firmosur në Zvicër.
Sipas informacioneve ekskluzive të medias së njohur zvicerane, “4-4-2”, Zhegrova sapo e ka mbyllur zyrtarisht marrëveshjen me ekipin e Bazelit gjatë pasdites së sotme. Sulmuesi i Kosovës udhëtoi të enjten në darkë drejt Zvicrës, për t’u njohur me ambientin e skuadrës së re.
Tashmë ashtu siç edhe pritej ishte trajneri i Genk, Klement që reagoi ashpër për këtë lëvizje. Ai vë theksin mbi një sjellje tërësisht fëmijnore të Zhegrovës, që nuk e ka lajmëruar aspak klubin për largimin e tij, duke mos shkuar në stërvitje me ekipin belg. Për më tepër “Hln.be” shkruan se futbollisti në fjalë ka dërguar macen në stërvitje gjatë ditëve të fundit dhe nuk është paraqitur vetë, si për të vendosur në presion klubin.
“Lojtarët që nuk janë këtu me zemrat e tyre mund të largohen menjëherë. Ky është një turp për të gjithë. Unë kam shumë përvojë me lojtarët e rinj dhe disa janë shumë të paduruar, për fat të keq, Edoni bie në këtë kategori. E ardhmja do të duhet të tregojë nëse ky ishte hapi i duhur për të.
Unë i kuptoj lojtarët që duan të luajnë më shumë, por mënyra me të cilën ju e bëni këtë kërkesë është gjithashtu e rëndësishme për mua: Shikoni Bojan Nastic, gjithashtu një djalë që dëshiron të bëjë më shumë minuta, por e bën atë saktë. Edhe në momentin e fundit ai më dërgoi një mesazh: “Trajner, nuk do të jem në trajnime, sepse unë do të bëj testet e mia mjekësore te Ostende”. Kjo është mënyra që një lojtar profesional duhet ta bëjë këtë dhe unë kam respekt të pafund për këtë. Por nëse ju, si Edoni, nuk shfaqen në stërvitje, atëherë largoni edhe përkrahësit tuaj”, ka thënë Klement. /Shqiperia.ch/
