Tifozët e Hajdukut të Splitit duhet të jenë nevrikosur dhe duke menduar reagimin ndaj klubit të tyre, ku aktivizohet edhe Ardian Ismajli. Futbollistët e ekipit kroat, nuk kanë zgjedhur mënyrën e duhur për t’u përgatitur, përpara derbit të Kroacisë ndaj Dinamos së Zagrebit.
Futbollistët Andres Fomitsov, Stipe Vucar dhe Stelain Filip kanë konsumuar alkol dhe kanë luajtur poker, me fotot që janë publikuar në rrjetet sociale. Sigurisht, Ardian Ismajli përbën përjashtim në këtë rast, pavarësisht se gjendet në të njëjtën skuadër me këta lojtar. Futbollisti i Kombëtares ndodhet në një moment të vështirë, pasi sapo ka kaluar një operacion dhe ndodhet i shtruar për ta kaluar dhe për t’u rikthyer në fushën e blertë.
Në orët në vazhdim priten edhe masat që mund të ndërmerren nga ana e Hajdukut të Splitit, që kurrsesi nuk mund të anashkalojnë një rast të tillë. Lojtarët duhet të luftojnë dhe të kenë në mendjen e tyre vetëm skemën e ekipit që përfaqsojnë, e jo të devijojnë në këtë rrugë të gabuar. /Shqiperia.ch/
