Situata ka dalë tërësisht nga kontrolli në fundin e ndeshjes mes Feronikelit dhe Milanit. Një tifoz ka tentuar të hyjë në fushë, për t’i takuar më nga afër lojtarët që gjithmonë i ka parë me adhurim nga televizoni.
Sigurisht që ky vendim nuk është i lejuar, por sjellja e sigurimit ishte edhe më e turpshme. Sipas asaj që raporton “Indeksionline”, sigurimi ka goditur brutalisht tifozin shqiptar, madje edhe kur ai gjendej i shtrirë në tokë. Kjo ka shkaktuar reagimin e madh të tifozëve të tjerë të pranishëm në stadium, që nuk mund ta përtypnin këtë sjellje skandaloze. /Shqiperia.ch/