
Përmbledhja e ndeshjes
90’+4′ Përfundon ankthi për Norvegjinë, mbyllet takimi, merret fitorja e shumëkërkuar për të kaluar më tej në “Elite Raund”. Shqipëri-Norvegji U-19 0-1.
90′ Rast i artë për Frokun. Nuk e merr dot mirë topin, teksa gjendej i vetëm përballë portierit. Bogdani e duartroket, lojtari nuk i beson syve se çfarë ka humbur.
80′ Asgjë për t’u nënvizuar. Lojë pa shumë ritëm, ndërsa kuqezinjtë rrinë në pjesën më të madhe në gjysmëfushën e tyre.
62′ Tjetër gol i anulluar për norvegjezët. Kristensen realizon një gol të bukur, por anësori e bën të pavlefshëm, pasi një lojtar që gjendej në pozicion jashtë loje kishte zënë rrezen e portierit.
52′ Norvegjezët shënojnë golin e dytë, por anësori e ndal për pozicion jashtë loje. Aliaj bëri një pritje me reflekse të mira më parë.
46′ Nis pjesa e dytë.
45′ Mbyllet pjesa e parë. Shqipëri-Norvegjia U-19 0-1.
42′ Ismail Geci e tepron me mbajtjen e topit në zonën tonë dhe gabon, por nuk përfitojnë kundërshtarët.
30′ Gabimi fatal i Isufit, nxjerr kundërshtarin me portën e boshatisur, teksa i duhet vetëm të shtyjë topin në rrjetë. Shqipëri-Norvegji U-19 0-1.
25′ I barabartë takimi deri në këtë moment. Luhet në mesfushë dhe nuk ka shumë raste në portat respektive.
15′ Loja deri tani kontrollohet nga Shqipëria, megjithatë mungojnë gjuajtjet dhe rastet e pastra drejt portës.
1′ Nis takimi. Topin i parë i shkelmuar nga kuqezinjtë.
Përpara ndeshjes
Shqipëria luan sot ndeshjen e fundit të vlefshme për kualifikueset e Europianit. Pas dy humbjeve deri diku të pamerituara, në ndeshjet e kaluara, grupi i lojtarëve që drejtohet nga Bogdani kërkojnë ta mbyllin me një rezultat pozitiv ndaj Norvegjisë.
Shumë ndryshime në formacion nga ana e Shqipërisë U-19, deri diku edhe të detyruara, pasi disa lojtarë janë të penalizuar për shkak të kartonëve të verdhë.
Formacioni i Shqipërisë U-19: Aliaj, Doda, Isufi, Pjetri, Ismail Geci, Rama, Gercos, Celhaka, Karica, Lahti, Nezha
LIVE Shqipëri-Norvegji U-19 0-0