
Më në fund! Shkëlzen Gashi është rikthyer në fushën e lojës, duke bërë atë që di më mirë, realizimin e golave. Një magji ishte ajo e kryer nga ana e futbollistit shqiptar, teksa ka realizuar në perfeksion një gol nga goditja e dënimit, duke i shtangur kundërshtarët.
Teksa muri mbrojtës ishte ende duke u vendosur dhe portieri kundërshtar po u jepte indiciet e fundit, Gashi nuk ka pritur më gjatë, duke e ekzekutuar në perfeksion godijten e dënimit, pavarësisht distancës së madhe që ekzistonte.
Ekipi i Kolorado Rapids ka humbur me rezultatin 2-1, ndërsa në golin e shënuar nga ana e futbollistit të Shqipërisë, kishte edhe shumë polemika nga ekipi kundërshtar, që nuk po u besonte syve. Megjithatë për kryesorin e takimit, gjithçka ishte sipas rregullave. /Shqipëria.ch/
ARE YOU KIDDING US? @S_GASHI11 WITH A BLAST! #CLBvCOL https://t.co/dZoh0Lxkix
— Major League Soccer (@MLS) September 23, 2018