Në kohën kur De Biazi drejtonte Shqipërinë, tekniku italian e shihte zëvendësuesin e Lorik Canës te Ilir Berisha. Shumë kontakte janë bërë asokohe nga FSHF me këtë lojtar, ndërsa në fund rezultati nuk ishte ai i prituri, ndërsa vetë lojtari nuk iu bashkua kuqezinjve.
Sukseset e tij në nivel klubesh arritën kulmin për 27-vjeçarin, ndërsa vetëm përpara pak orësh është shpallur kampion në Suedi. Me shiritin e kapiteni në krah, Berisha ka udhëhequr ekipin drejt titullit kampion, për t’u ngjitur në ligën e dytë suedeze.
SIgurisht, flasim për një skuadër e cila përfaqëson një qytet të vogël e më pak banorë, që ka marrë kënaqësinë e një triumfi, për të ëndërruar në sezonin e ardhshëm edhe për ngjitjen në elitën e futbollit në Suedi.
Në fund ka pasur vend edhe një festë të çmendur të lojtarëve të Vasteras, të cilët në versionin e “ultrasve”, i janë bashkuar festës së bashku me ata tifozë që ishin në stadium, për të festuar titullin kampion.
Festa ka vazhduar edhe në dhomat e zhveshjes, ndërsa lojtarët janë parë duke vazhduar brohorimat sikur të ishin tifozët më të veçantë të klubit të Vasterasit, si për të harruar detyrën e tyre për pak kohë, e duke i dhënë disa “shuplaka” përgëzimi trajnerit të tyre, gjë e cila nuk mund të ndodhë sërish. /Shqiperia.ch/