
Fiorin Durmishaj ka arritur vetëm pak çaste më parë të finalizojë për ekipin e tij të Panioniosit, teksa këta të fundit kanë arritur ta mbyllnin pjesën e parë me rezultatin 3-0.
Përsa i përket Durmishajt, ai arriti të shënonte golin e tretë në minutën e 27, teksa me këtë gol për sulmuesin nga Vlora, shkon në tre finalizime në këtë sezon. Kujtojmë që Fiorini është pjesë e Kombëtares U-21 që drejtohet nga Alban Bushi. Për këtë të fundit duket se po vijnë sinjale pozitive përsa i përket pjesës sulmuese, ku pas Taulant Seferit që po kalon një formë të mirë, duket se po i bashkohet edhe Durmishaj. /Shqiperia.ch/