Arisi e ka marrë vendimin e tij, për të larguar Mërgim Mavrajn nga ekipi. Kapiteni i kombëtares shqiptare i afruar së fundmi, ka zhgënjyer me nivelin e tij, duke mos arritur pritshmëritë e drejtuesve dhe tifozëve.
Por pavarësisht dëshirës së madhe të klubit grek për të ndërprerë bashkpunimin me mbrojtësin shqiptar në mënyrë të menjëhershme, kjo nuk mund të ndodhë. Këtë e pasqyron “Novasport”, e cila thekson faktin se operacioni “Mavraj” nuk do të jetë i lehtë për t’u përmbyllur.
Kapiteni i Shqipërisë ka ngritur një kërkesë financiare për të zgjidhur bashkpunimin, që po i hap jo pak telashe Arisit. Në kushte të tilla, përsa kohë një skuadër tjetër nuk interesohet për të marrë shërbimet e shqiptarit, atëherë ai do të vazhdojë të luajë në elitën e futbollit grek, duke mos dalë në mes të rrugëve me valixhe në dorë. /Shqiperia.ch/