Sulmuesi më i mirë i Shqipërisë, Armando Sadiku, nuk mund të jetë i gatshëm në takimin e sotëm, atje ku Kombëtarja, do të ndeshet ndaj Izraelit për “Ligën e Kombeve”.
Në një intervistë për “Supersport”, futbollisti i Levantes ka shprehur keqardhjen e tij për këtë moment të vështirë që po kalojnë kuqezinjtë, sidomos për golat e munguara.
“Kanë munguar golat në Kombëtare dhe sigurisht që ndiej keqardhje. Ekipi e ka treguar veten që pasi shënojmë gol kemi ndryshuar. Nuk ka qenë e lehtë, edhe prurjet e reja nuk janë ambientuar me sulmin.
Balajt i urova shumë fat të shënojë dhe të kemi një fitore sonte. Rikuperimi po shkon shumë mirë. Kam hyrë në muajin e tretë, mjeku më ka lejuar vrapin dhe besoj se do e thyej rekordin për rikuperimin e 6 mujorshit nga doktorët. Në dhjetor filloj stervitjen me ekipin, në janar janë ndeshjet ndërsa në mars me Kombëtaren do të jem në 100% të formës”, u shpreh Sadiku. /Shqiperia.ch/