Chelsea U-19 ka luajtur dje ndaj Valencias U-19 atje ku është dhënë një spektakël i madh. Ndeshja përfundoi me rezultatin 3-3, ndërsa te anglezët shënoi edhe i përhershmi Broja.
Në pjesën e dytë sulmuesi shqiptar nuk do të gabonte për të tundur rrjetën e kundërshtarëve, pas paraqitjes së mirë që kishte bërë. Sa i përket specialistëve në Angli, Broja është vlerësuar me notën 7 për ndeshjen në “UEFA Youth League”, që ishte edhe nota më e lartë e takimit: “Dy shanse të mira në pjesën e parë, por i ka humbur me goditjen e tij. Sidoqoftë, e ka shfrytëzuar shansin dhe rastin e tij në pjesën e dytë me një mbyllje që tregon se është i zoti”, shkruhet në vlerësim.
Prej kohësh Armando Broja ka edhe vëzhgimin e trajnerit Edi Reja, i cili mund ta shoh edhe si një zgjidhje për alternativën e sulmit në ndeshjet e ardhshme.