Albacete ka fituar në mënyrë dramatike ndaj Majadahondas me rezultatin 1-0. Goli i vetëm i takimit është shënuar nga sulmuesi shqiptar, Rei Manaj.
I ardhur si zëvendësues në fushën e lojës, futbollisti i Kombëtares i ka shtangur të gjithë, duke realizuar një gol fantastik në afërsi të zonës, e duke treguar nuhatjen që ka për golin. Të gjithë lojtarët kanë shkuar për ta përgëzuar dhe një festë e çmendur ka ardhur nga ana e klubit të Albacetes, që tashmë shkon në vendin e dytë.
Nëse kampionati do të mbyllej në ditën e sotme, ekipi i Manajt së bashku me Granadan do të ngjiteshin në “La Liga”. Megjithatë ka ende kohë për të mbërritur deri në këtë pikë, ndërsa Albacete duhet të ruajë vazhdimësinë e rezultateve pozitive. /Shqiperia.ch/