You are here
Home > Kombëtarja > Rasti i veçantë/ Ismajli dhe emri që mund të figurojë në dy listat, merr fund dilema mes Shqipërisë e Kosovës

Rasti i veçantë/ Ismajli dhe emri që mund të figurojë në dy listat, merr fund dilema mes Shqipërisë e Kosovës

Ardian Ismajli është një ndër lojtarët më të përfolur kohët e fundit, teksa me lajmin e bërë të ditur pak ditë më pare nga “Supersport”, lojtari është pajisur me pasaportë shqiptare dhe do të jetë pjesë e kombëtares shqiptare.

Ditën e djeshme thuhet se trajneri i Shqipërise, Kristian Panuçi, ka telefonuar të gjithë futbollistët që do të jenë të grumbulluar në sfidat e nëntorit. Dyshime ka të shumta dhe për këdo lojtarë, por vëmendja më e madhe është ajo e Ardian Ismajlit, teksa ky i fundit ka qënë pjesë e grupmoshave të Kosovës dhe kapiten i U-21 të dardanëve.  Lojtari është pjesë e Hajdukut të Spilitit ku kohët e fundit në klubin kroat ai ka fituar një vend titullari.

Për 22-vjeçarin kishte shumë kërkesa si nga Shqipëria por gjithashtu edhe nga Kosova, ndonëse tek këta të fundit nuk arriti të gjente dot hapësirat në formacionin e Shaland. Me publikimin e listave të lojtarëve të grumbulluar, çdo dyshim do të shuhet dhe do të marrë fund përsa i përket mbrojtësit, ndërkohë që nuk mund të përjashtohet mundësia që emri i tij të gjendet edhe te Kosova. /Shqiperia.ch/

Postime të tjera


Nëse e vlerësoni punën e “Shqiperia.ch” si media e vetme e përkushtuar me lojtarët e Kombëtares dhe sportistët shqiptarë, mund të kontribuoni për zgjerimin e projektit dhe vazhdimësinë tonë në të ardhmen.
Paypal: G453645282@gmail.com

Leave a Reply

Top