Këtë vit futbollistik të 2019, Milot Rashica po kalon një formë të jashtëzakonshme me skuadrën e tij të Verder Bremenit, teksa shpeshherë ka qënë deçiziv me golat e tij. Brenda pak javëve dardanasi është shndëruar në lojtarin më të rendësishëm të klubit gjerman, duke mundur të jetë edhe protagonist në fushën e blertë.
Nga mediat gjermane, ditën e sotme raportohet se Rashica është tërhequr nga stërvitja, duke mos e përfunduar seancën që ishte programuar. Kjo ka ndodhur sepse lojtari shqiptar kishte ndjerë një shqetësim në kraharor, por duket se nuk është shumë serioze. Këtë gjë e ka konfirmuar menjëherë edhe trajneri i tij, Kohfeld, i cili ështe detyruar të jap shpjegime për të qetësuar tifozët, duke ditur vlerën e madhe të Rashicës.
“Nuk mendoj se ka një gjë serioze, megjithëse Rashica pati shqetësime në kraharor dhe nuk e mbylli stërvitjen”, tha tekniku i gjermanëve. /Shqiperia.ch/