Ermir Lenjani dikur ishte një nga titullarët e pazëvendësueshem tek ekipi i De Biazit dhe emri i tij është i skalitur tek legjionarët që dërguan kombëtaren në “Francë 2016”.
Këto muaj ai ai nuk është aktivizuar shumë tek klubi i tij Sion, për shkak të trajnerit italian që drejtonte klubin zvicerian, teksa për pasojë humbi dhe kombëtaren shqiptare.
Mesa duket, me ndryshimin e numrit një të stolit te Sionit, lojtari kuqezi është rikthyer menjëherë në formacion, ndërsa u aktivizua ndeshjen e Kupës ku bëri një paraqitje mjaft të mirë.
Me këto ritme që Ermiri u kthye të luajë me klubin zvicerian dhe arritjen e formës së tij, me shumë mundësi do të jetë i grumbulluar nga Panucci në 2 sfidat e tetorit, miqësoren kundër Jordanisë dhe ndeshjen kundër Izraelit të vlefshme për kompeticionin “Liga e Kombeve”.
Ajo çka duhet theksuar është se legjionari Lenjani, ishte një nga lojtarët kyç të Shqipërisë gjatë kohes që drejtohej nga Gianni De Basi dhe pika e referimit te atij grupi lojtarësh në atë periudhë, aqsa u konsiderua edhe si “Di Maria” i Shqipërisë. /Rexhino Begolli- Shqipëria.ch/