Avdijaj, Avdijaj dhe sërish Avdijaj! Sa herë që bëhet fjalë për futbollistin shqiptar, përveç realizimeve dhe asaj që ai prodhon në fushën e lojës, me siguri që flitet edhe për adoleshentin e pandreqshëm në jetën e përditshme.
Së fundmi futbollisti shqiptar braktisi skuadrës në transfertën e Emenit, pasi donte të shihte zbukurimet e qytetit që ishin vendosur për fundvit. E gjitha kjo ka marrë një jehonë nga mediat gjermane, të cilat në mënyrë qesharake kanë përshkruar gjendjen e Avdijajt.
Do të ishte “Reviersport”, që në mënyrë disi sarkastike kujton faktin që lojtari shqiptar dikur ishte penduar për të kaluarën e tij prej adoleshenti, që e largoi edhe nga Shalke pas garave me makina dhe thyerjes së rregullave rrugore.
“I penduari Avdijaj. Tha se ishte shumë i ri kur ishte te Shalke dhe prandaj bëri gabime, duke e kërkuar gjithmonë fajin te të tjerët. Tani duket se ka rënë sërish në modelin dhe po i rikthehet kohërave të vjetëra, duke mos u treguar profesional. Ekipi i tij i tregoi vendin disi, duke fituar edhe pa të ndeshjen e fundit ndaj Emenit me rezultatin 0-2, për t’i treguar se nuk janë të varur prej tij”, shkruhet në artikull. /Shqiperia.ch/