George Becali është presidenti i ekipit të Steauas së Bukureshtit në Rumani, ndërsa çdokush që ka pak dijeni rreth tij, veçon edhe deklaratat e forta dhe polemizuese që vijnë shpeshherë nga ky njeri. Në një prej tyre tema kryesore ishte mesfushori i Shqipërisë, Kamer Qaka.
Pasi e kërkoi prej një kohe të gjatë, futbollisti shqiptar iu bashkua skuadrës rumune. Megjithatë ai nuk po arrinte të jepte më të mirën e mundshme, duke zhgënjyer disi me paraqitjet e tij. Bekali nuk kishte ndërmend të priste më gjatë, jo vetëm duke e larguar, por duke e thënë qartë në deklaratë: “Unë nuk kam ndërmend të rris fëmijë”, duke iu referuar Qakës.
Këtë herë, presidenti i Steauas ka dalë hapur kundër futbollit të femrave, duke u shprehur për “Ora Exacta Sport” se kjo qënie njerëzore nuk është krijuar për një sport të tillë.
“Nuk vendosem kundër dëshirës së Zotit. Si mund të luajnë femrat futboll? Trupi i tyre nuk është i ndërtuar për këtë sport. Është kundër natyrës së tyre. Ato jnaë të krijuara për të qenë të bukura dhe për të tërhequr meshkujt. I trajtojmë keq nëse i lejojmë të luajnë futboll. Nuk janë për sporte agresive”, tha Bekali. /Shqiperia.ch/