Në listën e trajnerit Panuçi për dy takimet e rradhës të Shqipërisë, Lorenc Trashi është një nga prurjet e reja. Trashi është një futbollist që vjen nga Gramshi, ndërsa spikatjen e tij e kishte te Lushnja. Me këtë skuadër ky lojtar tërhoqi vëmendjen maksimale, duke bërë që të transferohet menjëherë te klubi kryeqytetas, Partizani.
Në rolin e mbrojtësit dhe mesfushorit të majtë, Trashi e priste prej kohësh ftesën e Shqipërisë. Por duke parë që vëmendja e trajnerëve tanë ka qënë e ulët për lojtarët e kampionatit shqiptar, dërgimi i ftesës ka vonuar. Pavarësisht kësaj, duhet theksuar fakti se ky futbollist e ka përjetuar një gol si me ndjenjën e Kombëtares.
Në vitin 2014, gjatë takimit hapës të Superligës mes Lushnjes dhe Kukësit, goli i parë i edicionit do të vinte pikërisht nga Trashi. Në një stadium të stërmbushur në “Roza Haxhiu”, emocionet dhe adrenalina që e përfshin këtë lojtar, ka arritur padyshim maksimumin. /Shqiperia.ch/