“Fakti që unë nuk luaja ishte njësoj si të mbaje një Ferrari në garazh, ndërkohë që mund ta ngisje atë”, janë këto fjalët e Armando Sadikut që kujtohen te “Polskatimes”, gjatë kohës që shqiptari luante për Legian.
Një aventurë për t’u harruar ishte kjo për futbollistin e Kombëtares, që nuk i përmbushi kurrë pritshmëritë në Poloni. Megjithatë, as eksperienca në Spanjë nuk kishte gjë për të shënuar, ndërsa në mënyrë ironike polakët shprehen se Ferrari ka shkuar te Lugano.
Madje “Polskatimes” shkon më tej, teksa pasi shprehet se Sadiku do të gjejë kushuririn Taulant Xhaka në Zvicër, shprehet se nuk ka asnjë mundësi për t’u ngritur në nivelin e Granit Xhakês. /Shqiperia.ch/