Presidenti i FFK-së, Agim Ademi, premtoi vetëm pak ditë më parë në mediat në Kosovë, se tifogrupet shqiptare në këtë trevë, do t’i bashkoheshin dardanëve. Por pas reagimit të “Kuqezinjëve të Jakovës” që u shprehën se mbështesnin vetëm idealet për 1 Kombëtare të përbashkët, tashmë ka ardhur edhe reagimi i “Plisave”.
Nëpërmjet fjalëve të kryetarit të saj, Albert Kastrati, vendoset theksi në faktin se edhe ky tifogrup kërkon bashkimin dhe shkrirjen e Kosovës me Shqipërinë, për të formuar Kombëtaren e përbashkët.
“Shumë shpejt FSHF dhe FFK do të bëhen bashkë, pra vetëm FSHF. Po ashtu edhe lojtarët e Kosovës me të Shqipërisë do të bashkohen edhe do të jetë një Kombëtare. Për një kohë të shkurtër të gjithë tifozët e Kosovës do të bëhen Plisa. Edhe në fund, Granit Xhaka me Xherdan Shaqirin do të bashkohen me Shqipërinë”, shprehet Kastrati. /Shqiperia.ch/