Një nga lojtarët më në formë në kampionatin hollandez natyrisht është edhe Donis Avdijaj. Mesfushori dardanas është kthyer në një lojtar kyç të skuadrës Willem II, veçanërisht në sfidat e kupës që ka patur ekipi i tij.
Avdijaj në 3 sfida ka mundur të finalizojë plot 4 herë dhe gjithashtu duke dhuruar 2 asist. Duket se lojtari dardanas është shndërruar në asin nën mëngë i trajnerit të tij, ku tek ekipi i Willemit II, po shndërrohet në përcaktues për kalimin e fazave të Kupës së Hollandës. Duket se 22 vjeçari nuk do të ndalet me kaq pasi dëshiron që të shënojë edhe më shumë. “Duhej të kisha shënuar edhe një tjetër”, u shpreh duke qeshur Avdijaj, megjithëse shënoj në atë fitore me rezultatin 3-0 ndaj AFC.
Që nga koha e transferimit tek skuadra hollandeze, Avdijaj gjithnjë e më shumë po kthehet në një lojtar përcaktues dhe po arrin formën e tij më të mirë. Ndonëse është vetëm 22 vjeç, me ketë rendiment që po tregon këtë sezon e ardhmja është në këmbët e tij. Këtë sezon ai ka mundur të luajë plot 19 sfida me këtë ekip, ku ka finalizuar plot 8 herë dhe asistuar 6 herë./Shqiperia.ch/