Situatat ndryshojnë shumë në pak kohë, në pak muaj. Ky është rasti i Donis Avdijaj, një lojtari me aftësi të jashtëzakonshme, por që sjellja e papjekur dhe kokëfortësia për të mos ndryshuar, e solli deri në këtë pikë.
Në janar dolën emrat e Juventusit dhe Arsenalit, ekipet më të njohura europiane, që kërkonin shërbimet e këtij sulmuesi. Por kur skandalet përsëriteshin dhe përsëriteshin, askush nuk e kërkon një barrë më shumë mbi shpatulla.
Të paktën, jo gjigandët e Europës. Sa i përket merkatos verore, ende asgjë nuk kemi dëgjuar sa i përket Donis Avdijaj. Asnjë klub në Europë nuk i ka dërguar ofertë sulmuesit të Kosovës, të paktën deri në këto moment. Që nga koha e gjysmës së parë të sezonit, atëherë kur Ëillem II e përjashtoj nga ekipi për mungesë të disiplinës. Pavarësisht se Avdijaj u shpreh se nuk ishte përjashtim, pyetja që të gjithë shtrojnë është: “Ku është mister 50-milionëshi”? /Shqiperia.ch/