Shqipëria e ka humbur takimin e parë kualifikues të Europianit, duke u mundur me rezultatin 0-2 nga Turqia. Për të përshkruar në pak fjalë gjithçka që ndodhi, mjafton të themi se lojën e bën kuqezinjtë, ndërsa rezultatin e morrën kundërshtarët. Vetëm dy goditje mjaftuan për turqit, që e kanë përshëndetur në të dyja rastet portën. Në një intervistë për “Supersport”, Panuçi është shprehur:
“Në pjesën e parë kemi luajtur mirë dhe kemi krijuar aksione. E kemi dhuruar golin e parë dhe kjo është e gjitha. Në pjesën e dytë kemi krijuar pak, vetëm me një gjuajtje në portë. Diferenca fizike e lojtarëve tanë me Turqinë ishte e madhe. Në pjesën e parë ne kemi pasur mundësi, megjithëse nuk kemi arritur të shënojmë. Këta janë lojtarët dhe kjo është skuadra.
Ne kemi luajtur me dy sulmues, por është e vështirë nëse nuk shënon. Unë i respektoj gjithmonë tifozët dhe kanë të drejtë që revoltohen ndaj nesh. Por këta janë lojtarët”, ka thënë Panuçi. /Shqiperia.ch/