Talenti shqiptar nga Korça, Rean Liço ka hedhur një hap të rëndësishëm në karrierë. Futbollisti 18-vjeçar ka hedhur firmën për ekipin e njohur portugez, Sportingun e Lisbonës.
Mesfushori më parë ishte pjesë e Leganesit, duke u aktivizuar për të rinjtë e spanjollëve. Pavarësisht mbërrijes në Spanjë, Liço nuk e gjeti ambientin e dëshiruar, duke nënshkruar kështu me një tjetër skuadër europiane.
Sportingu i Lisbonës është një ekip i njohur në arenën europiane, por për të shkuar deri këtu për mesfushorin shqiptar ka ende kohë. Ai duhet të dëshmojë se e meriton ftesën e trajnerit të parë, për të luajtur në elitën e futbollit portugez. /Shqiperia.ch/