Një sezon fantastik për mesfushorin shqiptar, Ergys Kaçe, që gjatë kësaj periudhe me Panathinaikosin po përjeton momentet më të mira të karrierës. Shpeshherë të kujton kohën kur ishte pjesë e PAOK, teksa shumë ekipe nga Seria A ishin në rradhë për të marrë shërbimet e futbollistit shqiptar.
Por pasi zgjodhi kombëtaren shqiptare, Kaçe kaloi shumë peripeci dhe një kalvar huazimesh, ndërsa aktualisht ndodhet te Panathinaikosi, i huazuar po prapë nga PAOK. Ndryshe nga vitet e mëparshme, kjo eksperiencë e futbollistit të Shqipërisë po shkon në mënyrën më të mirë të mundshme.
Perla e fundit e nxjerrë nga ana e repertorit të Kaçes, ishte një pasim në përfeksion nga gjysmëfusha e tij, për të mbërritur në këmbët e Machedas që ndodhej në sulm, e nuk e kishte të vështirë për të dërguar topin në rrjetë. “Falenderime të mëdha për Ksavin shqiptar”, do të shprehej Macheda.
Ndërkohë i menjëhershëm ka qenë edhe komenti i futbollistit tjetër të Panathinaikosit, Mooney, në rrjetin social “Instagram”, që zë rradhën për mesfushorin shqiptar: “O Iniesta nga Shqipëria. Mbaj disa pasime edhe për mua kur të kthehem”. /Shqiperia.ch/