Trajneri i Malit të Zi, Ljubisa Tumbakovic do të shkarkohet nga detyra nga Mali i Zi, pas ndeshjes me Kosovën. Kjo jo për shkak të rezultatit të marrë, por për vendimin e teknikut me origjinë serbe, për të mos qënë në stol ndaj Kosovës.
Vendimi kishte mbërritur në zyrën e presidentit të Federatës së Malit të Zi të Futbollit, Dejan Savicevic, vetëm të premten pasdite. Pra pak orë përpara takimit, ndërsa tashmë është vetë legjenda e Milanit që ka detyrën e presidentit të Federatës, Savicevic, që do të shkarkojë trajnerin.
Kjo është ajo që raportohet së fundmi nga mediat malazeze. Gjithçka pritet të mbyllet në ditën e nesërme, atje ku me një mbledhje urgjente, do të zyrtarizohet edhe ndarja e bashkëpunimit me Tumbakovic. /Shqiperia.ch/