Lacio kaloi më tej në Kupën e Italisë, ndërsa mundi Interin në ruletën ruse. Pas barazimit 0-0 për 90 minuta dhe atij 1-1 për 120 të tilla, do të ishin lacialët që do të kualifikoheshin më tej.
Në fundin e takimit rolin e heroit e mori Strakosha, pasi priti dy penallti. Vendimtare do të ishte ajo ndaj Naingolanit, ndërsa zgjedhja e portierit shqiptar për të qendruar në qendër, do të rezultonte shpëtimtare.
Gjatë një interviste në përfundimin e ndeshjes, Strakosha do të shprehet se penalltia e pritur ndaj mesfushorit të Interit nuk ishte një rastësi, pasi e kishte parandierë ekzekutimin e tij.
“Penalltia e Naingolanit? Unë e ndieva se ai do e dërgontë në qendër atë. Megjithatë ishte skuadra që luajti shumë mirë dhe e meritoi gjysmëfinalen. Herën e fundit vuajtëm një humbje të pamerituar në kampionat, ndërsa unë mendoj se mund të bëjmë mirë në të gjithë kompeticionet. Me Interit e treguam se nuk jemi të frikësuar”, u shpreh Strakosha. /Shqiperia.ch/