Atdhe Nuhiu ishte kthyer në lojtarin që tifozët anglezë ironizonin më shumë, duke e tepruar shpeshherë me notat e tyre të humorit. Megjithatë e kuptueshme, pasi të dhënat të jepnin të gjithë të drejtën për të kritikuar sulmuesin shqiptar.
Në gjithë këto javë kampionat të luajtura në “Championship”, 25 të tilla, Nuhiu nuk e ndiente shijen e golit. Në fakt, e kishte provuar disi gabimisht në ndeshjen e parë të sezonit, që daton në mesin e gushtit, e që në atë kohë është harruar.
Pritja mori fund, ndoshta në këto kohë Krishtlindjesh, gjithçka merr një atmosferë tjetër. Një transformim ka ardhur edhe te Nuhiu, që ka gjetur rrugën e rrjetës, teksa skuadra e tij, Sheffield Wendsay po fiton ndaj West Bromit me rezultatin 0-1. I menjëhershëm ka qenë edhe reagimi i tifozëve anglezë në “Twitter”, të cilët nuk mund të qëndrojnë pa ironizuar me gjetjen e golit të këtij futbollisti. /Shqiperia.ch/
1-0 Nuhiu #swfc pic.twitter.com/a5ZhuDGbny
— Dean C (@swintonowl) December 29, 2018