
Talenti shqiptar, Florent Muslija nuk ka të ndalur së shënuari nëpërmjet kryeveprave. Pasi i magjepsi të gjithë duke shënuar nga goditja e dënimit në takimin ndaj Gjermanisë U-20 dhe Zvicrës U-20, këtë herë ka realizuar golin e dytë me fanellën e Hannoverit.
Një goditje fantastike nga goditja e dënimit, i ka lënë të gjithë pa fjalë, teksa nga një distancë thuajse e pamundur, Muslija e ka dërguar topin në rrjetë. Askush nuk i beson syve, por për futbollistin shqiptar këto janë gola mëse të zakonshëm.
Florent Muslija është padyshim talenti shqiptar më premtues në Bundesligë, ndërsa ka fituar edhe besimin e verbër të trajnerit te Hanoveri. Lojtari është ende në kohë për të bërë një tjetër zgjedhje të përfaqësueses, pasi ka luajtur vetëm me të rinjtë e Gjermanisë. /Shqiperia.ch/